Description
İlk olaraq Findiğan kəndində toxunan bu xalçalar sonradan Bakının digər kəndlərində də istehsal olunmağa başladı. Findiğan xalçalarının bir yox, iki haşiyə zolağı olur. Burada çiçəkli naxışlar və “S” formalı elementlər istifadə olunur ki, bunlar suyun qıf içində axımını xatırladır və beləliklə, oturuşmuş, abad həyat tərzini ifadə edir. Digər yozmalara görə isə bu element məhsuldarlıq və əbədilik simvoludur. Findiğan xalçalarındakı əsas haşiyə zolağı çox qədim bir simvol daşıyıcısıdır: haşiyənin dörd kənarı aləmin dörd tərəfini təmsil edir.
