Description
Bu rayon Azərbaycanın tarixi, xüsusən dini təyinatlı abidələri ilə zəngin rayonlarından hesab olunur. XI və XIII əsrlərdə böyük ipək yolunun üzərində tikilmiş məşhur Xudafərin körpüləri vaxtilə Cənubi Azərbaycanla Şimali Azərbaycanın orta əsr şəhərlərini birləşdirir, həm də mühüm hərbi-strateji əhəmiyyət daşıyırdı. Rayonda 23-dən çox tarix-memarlıq abidəsi, 46 ziyarətgah, 5 məscid, 800 ildən çox yaşı olan çinar ağacları vardı. 23.08.1993-04.10.2020ci ilə qədər davam edən Ermənistan silahlı qüvvələrinin işğalı nəticəsində rayonun yaşayış məskənləri ilə yanaşı, tarixi-dini abidələri də məhv olunmuşdur. Cəbrayıl xalçaçılıq və ipəkçiliyin inkişaf etdiyi bölgələrdəndir. Qarabağın məşhur “Xanlıq” xalçası burda toxunurdu.
