Description
Bu əşya həmin gözəl naxışın növlərindən biri olan “Qanadlı islimi” naxışından ilham almışdır. “Arabeska” və ya “bığcıq” kimi tanınan islimi naxışı incəsənət ənənəsi olaraq Sasanilər naxışından yaranıb, Abbasilər dövründə (IX-X əsr) inkişaf edib daha sonra Səlcuqlar dövründə (XII-XIII əsr) çiçəklənərək uzun inkişaf yolunu keçmişdir. Belə güman edilir ki, islimi naxışı o zamanlar müqəddəs hesab olunan bükülmüş yarpağı təsvir edir. İslimi naxışı İslam dekorativ mədəniyyətində çox məşhurdur – məhz buna görə bəzi sənətşünaslar islimi sözünü islam dininin adı ilə bağlayırlar. Xalçalarda bu naxış XV əsrdən sonra məşhurlaşmışdır.
