Description
Quba-Şirvan xalçaçılıq mərkəzinin Şirvan qrupuna aid olan Salyan xalçası qədim və zəngin tarixə malikdir. Bu xalça növünün ən tipik cəhəti iki əfsanəvi quş və mərkəzdə medalyon təsviridir. “Quşlu” adı ilə tanınan mürəkkəb kompozisiyalı bu xalçaların əsas elementi iri səkkizguşəli medalyonlardır. İnanclara görə, quşlar gözəllikdən əlavə, günəşlə əlaqəni ifadə edən kosmoloji məna daşıyır.
Salyan şəhəri XIV əsrin əvvəllərində Kür çayının mənsəbində salınan şəhərdən yaranıb və hazırda Azərbaycanın balıqçılıq sənayesinin mərkəzi sayılır. Modelin üzərindəki iki balıq və Kür çayını simvolizə edən dalğalar buna işarədir.
