Description
Əsası 1750-ci ildə qoyulsa da burada daş, eneolit və tunc dövrünə aid qədim mədəniyyət izləri vardır. Şuşa sürətlə inkişaf edərək XIX əsrdə nəinki Azərbaycanın, eləcə də Qafqazın inkişaf etmiş şəhərinə çevrildi. Şuşa dahi bəstəkar Ü.Hacıbəyovun və məşhur muğam ustalarının vətənidir. Şuşanı “Qafqazın musiqi konservatoriyası”, “Qafqazın İtaliyası”, “Kiçik Paris” adlandırırlar. Memarlıq abidələri ilə zəngin olan bu şəhərdə 17 məhəllə, hər məhəllədə hamam, bulaq, məscid vardı. 300-dən çox tarixi abidəsi olan şəhər 1988-ci ildə Dövlət Tarix –Mədəniyyət Qoruğu elan edilmişdir. Şuşada xalçaçılıq, ipəkçilik, zərgərlik və diqər sənətlər inkişaf etmişdi. Şuşa 08.05.1992- 08.10.2020 tarixinə qədər Ermənistanın işğalında olmuşdur.
