Description
İlk illər yeni yaşayış məskənində ancaq xan ailəsi və onun yaxınları yaşadığından el arasında “Xanın kəndi” kimi tanınır. Qısa bir müddətdən sonra isə Xankəndi adını alır. 1828-ci ildə Qarabağa köçürülən ermənilər əsasən bu ərazidə məskunlaşdırılır. Şəhər 1923-cü ildə yaradılan Dağlıq Qarabağ Muxtar Vilayətinin mərkəzi olur və Stepanakert adı verilir. Azərbaycanın ümumi respublika resurslarından böyük dəstək verilməsi sayəsində yeni sənaye və mədəniyyət mərkəzi kimi inkişaf etməyə başlayır. 1988-ci ildə əhali Ermənistanın dəstəyi ilə separatçılığa yönlənmiş, Azərbaycanın tərkibindən çıxmağa cəhd etmişdir. 26.11.1991-ci ildə şəhərin tarixi adı qaytarılaraq yenidən Xankəndi adlandırılmışdır. Ermənilərin Azərbaycanı parçalamaq cəhdlərinə Azərbaycan ordusunun 10.11.2020 tarixli qələbəsi ilə son qoyulmuşdur.
