Description
Xızı Azərbaycanın zəngin tarixə malik olan bölgələrindən biridir. Xızının əhalisinin erkən-orta əsrlərdə Sasanilərin şimal sərhədlərini qorumaq üçün İranın Xuzistan əyalətindən buraya köçürüldüyü güman edilir. Ehtimal ki, toponim həmin əyalətin adı ilə bağlıdır.
Bu bölgə özünəməxsus flora və faunaya malikdir. Xızı xalçalarında tez-tez müraciət olunan zoomorf təsvirlər məhz bu gözəl təbiəti əks etdirir. Bundan əlavə, təqdim olunan modeldə əksini tapmış həyat ağacı ünsürlü element və digər həndəsi naxışlar bütövlükdə Xızı xalçasının abstrakt kompozisiyasından ilhamlanaraq hazırlanmışdır.
