Description
Buradan aşkar edilən tapıntılar “Xocalı-Gədəbəy mədəniyyəti” adı ilə məşhurdur. Xocalı rayonu ərazisindəki abidələr, yerli türk əhalisinin həyat tərzini, ənənələrini əks etdirir. Burada xristian Alban məbədləri, məscidlər, türbələr, qalalar vardır. Xocalı şəhərində Qarabağ xanı Pənahəli xanın tikdirdiyi XVIII əsrə aid “Əsgəran qalası” mövcuddur. Qarabağ müharibəsi dövründə ermənilərin 1992-ci il fevralın 25-dən 26-na keçən gecə şəhərdə törətdiyi soyqırım XX əsrin dəhşətli faciəsilərdən biridir. Soyqırım nəticəsində 63-ü uşaq, 106-sı qadın, 70-i qoca olmaqla 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb,1275 nəfər əsir götürülüb. Bir neçə ölkə Xocalı soyqırımını tanıyıb.
