Description
Urud abidələr kompleksi tarixi Azərbaycan-türk ərazisi Zəngəzur mahalının Qarakilsə rayonunda yerləşir. Kompleksə Urud qalası, Urud qəbristanlığındakı nadir məzar daşı nümunələri və digər tarixi abidələr daxildir. Bu nəfis bədii tərtibatlı abidələr Zəngəzur ərazisində yaşayan qədim insanların inanclarını əks etdirir.
Dik qayada yerləşə Urud qalası üç tərəfdən Bazarçay çayı ilə, bir tərəfdən isə qala divarları ilə əhatələnmişdir. Yerli əhalinin məlumatına görə, qaladan çaya gizli yeraltı yol aparır. Təəssüf ki, erməniləri Zəngəzur ərazisinə köçürülməsindən sonra Urud kompleksinin adı dəyişdirilmiş, qismən dağıdılmış, abidə üzərindəki qədim yazılar isə silinmiş və ya dəyişdirilmişdir.
