Description
Burada yerləşən Azıx mağarasından dünyada qədimliyinə görə 5-ci tapıntı – 350 min il yaşı olan preneandertalın, yəni azıxantropun alt çənə sümüyü tapılmışdır. Füzulidəki Qaraköpəktəpə, Günəştəpə, Qarabulaq abidələri də Azərbaycan xalqının qədim mədəniyyətə sahib olduğunu sübut edir. Füzuli həm də qədim xalçaçılıq diyarıdır. Burada dünya şöhrətli “Bəhmənli” xalçası, vərnilər toxunurdu. Füzuli inzibati ərazi vahidi kimi 1827-ci ildə Qarabulaq adı ilə yaradılmış, sonralar Qaryagin, 1959-cu ildən isə böyük Azərbaycan şairi Məhəmməd Füzulinin anadan olmasının 400 illiyi şərəfinə Füzuli adlandırılmışdır.
