Description
Xalça 1925-ci ildə İsveç əyalətinin Jaemtlands kəndindəki tərk edilmiş Marbi kilsəsində iki hissəyə kəsilmiş halda tapılıb.
Heyvan xalça qrupuna aid olan bu xalçada müəyyən bir ağac tərəfdən simmetrik duran, stilizə edilmiş quşlar təsvir edilir. Quş və ağac motivləri uzun zaman tanınıb məşhurlaşmış, Mərkəzi Asiyada və Azərbaycanda çox geniş yayılmışdır.
Digər yozmalara görə, kompozisiya üç yerə bölünür. Burada şərti olaraq ortada insanların yaşadığı dünya, yuxarıda asiman, aşağıda isə yeraltı dünya (düzəx) təsvir olunur. Mərkəzdəki iki quş təbiətin əsas qüvvələri olan kişi və qadını təmsil edir.
