Description
Buta ən çox bəyənilən qədim Şərq naxış növüdü. O, öz adını qanqala bənzədiyi üçün Fars dilində kol mənasını daşıyan “boteh” sözündən götürür.
Buta hər hansı bir ideyanın müxtəlif mədəniyyətlər tərəfindən müxtəlif formada şərh edilə biləcəyinin bariz nümunəsidir.
Xüsusi ədəbiyyatda buta ornamentinin müxtəlif oxşatmalarına rast gəlmək olar: şam ağacının qozası, ərəb xurması ağacının çətiri və nəhayət, alov.
Bəzi inanclara görə buta bir simvol kimi alov, əbədilik, əbədi həyat mənasını daşıyır. Deməli, buta təsvirini həmdə uzun ömür və əbədi xatirə arzusu kimi də başa düşmək olar.
